1 Indirimbo ya Dawidi y’Amazamuka.
Iyaba Uwiteka atari we wari uri mu ruhande rwacu,
Abe ari ko Abisirayeli bavuga none.
2 Iyaba Uwiteka atari we wari uri mu ruhande rwacu,
Ubwo abantu baduhagurukiraga,
3 Baba baratumize bunguri tukiri bazima,
Ubwo umujinya wabo wacanwaga kuri twe.
4 Amazi aba yaraturengeye rwose,
Isūri iba yaratembye ku bugingo bwacu,
5 Amazi yihindurije aba yaratembye ku bugingo bwacu.
6 Uwiteka ahimbazwe,
Utadutanze kuba nk’umuhīgo w’amenyo yabo.
7 Ubugingo bwacu bukize nk’uko inyoni iva mu kigoyi cy’abagoyi,
Ikigoyi kiracitse, natwe tuvamo turakira.
8 Gutabarwa kwacu kubonerwa mu izina ry’Uwiteka,
Waremye ijuru n’isi.